Welkom by Hoërskool Fichardtpark

Graad 8 - Inskrywings

Ons Erekode

• Ons gee in ons skool ‘n ereplek aan ons geloof en leef ons leuse van Glo, Werk en Dien uit.
• Ons beywer ons vir patriotisme teenoor ons land en taal.
• Ons gedra ons onder alle omstandighede as waardige Suid-Afrikaner-seuns en -dogters.
• Ons streef daarna om eerlik, getrou, opreg, hulpvaardig en vriendelik te wees.
• Ons woord is ons eer.
• Ons dien ons skool getrou en handhaaf sy goeie naam met woord en daad.
• Ons respekteer ons skooldrag.
• Ons wil die beste gebruik maak van geleenthede en woeker met ons talente.
• Ons strewe na netheid met betrekking tot onsself en ons omgewing.

Kleredrag - Seuns

• Grys kortbroek / langbroek [Geen vernouing of oormatige verkorting van broekspype toelaatbaar nie].
• Lang Fichardtpark grys kouse saam met kortbroek.
• Enige grys sokkie / kous saam met langbroek [Geen ‘secret socks’ nie].
• Swart belt saam met langbroek. Indien kortbroek lussies het, moet ook 'n belt gedra word.
• Wit kortmou hemp met bo-knoop om Fichardtpark streepdas te dra.
• 'n Oortrektrui [‘pull over’] is toelaatbaar by kortmou- sowel as langmouhemde.

• Grys langbroek met grys sokkies [lang grys kouse of grys sokkies] en belt [Kortbroek mag gedra word].
• Fichardtpark skoolbaadjie met langmoutrui of oortrektrui onder baadjie
• Geen langmoutrui mag sonder 'n baadjie gedra word nie, behalwe gr 12’s.

• Skoolsweetpak, -sportbroek en -sporthemp. Geen swart of ander kleur sweetpakbroeke of –toppe mag gedra word nie
• Wit sportsokkies saam met sportdrag. Geen kleurinsetsels of slagspreuke op sokkies toelaatbaar nie.

Kleredrag - Dogters

• Skoolrok sonder belt.
• Wit langmou- of kortmouhemp.
• Kort wit sokkies. Geen kleurinsetsels of slagspreuke op sokkies toelaatbaar nie.
• Skoolbaadjie met langmoutrui of oortrektrui toelaatbaar, maar skooltrui mag nie sonder die baadjie gedra word nie – wel die oortrektrui.

• Skoolrok sonder belt.
• Wit langmouhemp met bo-knoop om skool se streepdas te dra.
• Navy of vlootblou sykouse.
• Geen langbroek tans beskikbaar nie.
• Skool se langmoutrui mag slegs saam met die skoolbaadjie gedra word. Die oortrektrui mag sonder die baadjie gedra word.

• Skoolsweetpak, -sportbroek en -sporthemp. Geen swart of ander kleur sweetpakbroeke of –toppe mag gedra word nie.
• Wit sportsokkies saam met sportdrag. Geen kleurinsetsels of slagspreuke op sokkies toelaatbaar nie.